Ромелу Лукаку со незаконско интервју предизвика немир во редовите на Челзи.
Лукаку изрази незадоволство од неговиот статус во тимот и тренерските одлуки, како и од тактиката која се користи во последно време.
Томас Тухел поради долгиот јазик го отстрани од тимот белгискиот напаѓач, па Лукаку не играше против Ливерпул.
Во понеделникот беше одржан состанок, за чии детали Тухел зборуваше пред натпреварот од Карабао купот против Тотенхем. Најважната вест е дека Лукаку се враќа во тимот.
„Среќни сме што одвоивме време мирно да ја набљудуваме ситуацијата. Тој се извини и се врати на денешниот тренинг“, започна Германецот и продолжи:
„Најважно за мене е тоа што сфатив дека тој нема намера да ги крева тензиите пред важен натпревар. Второ, ова е прв пат да се однесува така… Никогаш не направил ништо против тимот“.
„Тоа не е толку голема работа како што луѓето сакаат да биде. Но не е ни мала, но е доволно мала за да остане смирена и да го прифати извинувањето“.
„Се разбира, можеби ќе има уште малку врева, но тој може да се справи. Нема друг избор. Не може да очекува сите да бидат супер среќни следниот ден“.
„Но, тој сепак е наш играч… Среќни сме што тој е наш играч и ќе го заштитиме“, изјави Германецот.
Така, Лукаку чека нова шанса во Челзи. Дали ќе го искористи или пак ќе се жали на крајот од сезоната, останува да видиме.
