Капитенот на Манчестер Сити, Илкај Гундоган (32) е во преговори со Барселона.
Договорот на германскиот играч за врска со англискиот шампион истекува на крајот на јуни и тој се уште не го продолжил.
Новинарот близок до Барселона, Жерар Ромеро, објави дека менаџерот на Гундоган се сретнал со претставници на Барселона и дека преговорите започнале. Директорот на Барселона Алемани зборуваше за овој настан и рече дека менаџерот и вујко на Гундоган го застапуваат и стоперот на Барса Кристенсен и дека тоа е причината за неговата посета и дека зборувале за неговите одлични игри откако пристигнал на Ноу Камп, но малку луѓе му поверувал дека не се зборува за германскиот репрезентативец.
Барселона дефинитивно сака да ја искористи ситуацијата и бесплатно да го донесе еден од најдобрите европски играчи за врска во последните години.
Гундоган е во Сити од 2016 година, кога дојде од Борусија Дортмунд. Тој е еден од најважните играчи во системот на Пеп Гвардиола, му е омилена и продолжена рака на теренот и останува да видиме дали Сити ќе реагира и ќе му понуди нов договор.
Во својата кариера беше член и на германските клубови Хеслер, Шалке, Буер, Бохум и Нирнберг, а од 2011 година за германската репрезентација одигра 66 натпревари и постигна 17 голови.
Според Трансфермаркт, тој вреди 25.000.000 евра.
💣Avanza @JijantesFC
El agente de İlkay Gündoğan se ha reunido esta mañana con la dirección deportiva del Barça.
El futbolista queda libre este junio, y es una opción MUY REAL para reforzar la plantilla azulgrana este próximo verano#mercato #Barça pic.twitter.com/svkPUj5Eaw
— Gerard Romero (@gerardromero) February 16, 2023
