На Барселона не и треба дополнителна мотивација пред гостувањето кај Манчестер Јунајтед во реваншот од 1/16-финалето на турнирот во Лига Европа – ова е мислењето на главниот тренер на Каталонците, Чави Ернандез, пред пресметката на „ Олд Трафорд“, кој ќе се одржи утре на 23 февруари од 21:00 часот.
Првата средба на Камп Ноу заврши 2:2, а шпанскиот гигант ќе гостува во „Театарот на соништата“ без двајцата свои најдобри играчи – Педри (повреда) и Гави (суспендиран). На списокот на отсутни е и Усман Дембеле, кој го пропушти првиот меч поради повреда.
„Имам многу убави спомени од натпреварите што ги играв во Англија, едноставно затоа што е многу посебно да се игра таму – тоа е колевката на фудбалот. Стадионите, навивачите кои не престануваат да ве поддржуваат… Сето ова има посебен „вкус“ кој не можете да го најдете никаде во светот “, изјави Чави за Тајмс.
Ќе ми биде големо задоволство да се вратам на „Олд Трафорд“, кој е еден од најдобрите стадиони за еден од најголемите тимови во светот“.
“Ние сме храбар тим кој сака да напаѓа и секогаш победува. Овој натпревар нема да биде исклучок. Тоа е како голем натпревар во Лигата на шампионите. Особено за навивачите, тоа е исклучително интересен судир. За самите играчи, тоа е еден од оние натпревари во кои секој сака да игра барем еднаш во животот“ , изјави и тренерот на Барса за изданието.
„Чувствуваме ли страв? Страв од што? Напротив, „Олд Трафорд“ ве мотивира! Ова е стадион на кој сакате да играте барем еднаш во животот и да го дадете најдоброто од себе“, ги заклучи Чави своите коментари пред натпреварот.
