Фудбалерите на Јувентус се откажаа од својата заработка до јуни за клубот да функционира нормално во овој тежок период.
Така, фудбалерите покажаа лојалност кон клубот, што е за пофалба. Претседателот на италијанската фудбалска федерација Габриеле Гравина ја пофали „Старата дама“ и рече дека треба да биде пример за другите клубови.
“Погледнете што направи Јувентус. Тоа е одличен пример. Погледнете ги. Им се заблагодарувам, тие ги поставија своите интереси на друго место. Солидарноста е најважната работа и последиците можат да бидат одлични ако фудбалот не продолжи“, рече Гравина.
Претходно, Даглас Коста изјави дека разговарал со капетанот Киелини и дека знае кога треба да се вратат на тренинзите.
„Чекаме ситуацијата да се подобри во Италија. Треба да се вратиме на 3 април, но разговарав со капетанот Киелини и тој ми рече дека ќе се вратиме на тренинзите на 15 или 20 април, ако дотогаш се биде во ред“.
„Ова е многу збунувачко. Јас сум дома со семејството во моментов. Убаво е да се биде во можност да помине некое време со семејството. И само со нив сум, затоа што не можам да отидам на друго место”, рече Коста.
