Судбината на Иван Перишиќ останува неизвесна.
Фудбалерот на репрезентацијата на Хрватска, кој е обврзан со договор со Интер, моментно е на позајмица во Баерн, кој ќе има можност да го откупи на крајот на сезоната под претходно договорени услови.
До крајот на сезоната, Перишиќ играше прилично добро. Тој постигна 22 гола на 22 настапи и постави уште осум асистенции, а бројките веројатно ќе беа уште подобри доколку не пропуштеше десетина натпревари поради повреда на глуждот.
Сепак, Баерн сè уште не одлучил дали да издвои 20 милиони евра за него.
„Сè уште не разговаравме за тоа, бидејќи Перишиќ неодамна се опорави од повреда на ногата. Ќе видиме како тој игра на следните натпревари, па ќе разговараме. Имам навистина пријателски однос со Марота“, изјави директорот на Баерн, Карл-Хајнц Румениге, за „Газета дело Спорт“ потоа додаде:
„И во интерес на Иван е да откриеме каде ќе игра што е можно поскоро. Ништо сè уште не е решено“.
Баерн веќе плати на Интер пет милиони евра за едногодишен заем.
