Аргентинскиот напаѓач Серхио Агуеро летово пристигна во Барселона како слободен играч од Манчестер Сити.
Агуеро помина десет години во Сити, но одлучи да го напушти клубот откако истече неговиот договор летово.
Искусниот напаѓач одлучи да се врати во Шпанија и потпиша двегодишен договор со Барселона. Но, тој имаше голема несреќа да се повреди непосредно пред почетокот на сезоната и ќе биде надвор од терените барем уште еден месец.
Исто така, Агуеро беше лут кога Лионел Меси не доби нов договор од Барселона бидејќи не го крие фактот дека одлучил да дојде во Барселона токму поради Меси.
Откако Меси ја напушти Барселона и се пресели во ПСЖ, многумина очекуваа Агуеро да го преземе бројот десет, но тој не сакаше да го стори тоа.
Агуеро го позајми дресот со број 19 во Барселона, а бројот десет се најде кај младиот Ансу Фати. Аргентинецот сега одлучи да објасни зошто не сака да го земе бројот десет.
„Одбив да го носам дресот со број десет во Барселона од почит кон Лео Меси“, рече Агуеро.
Агуеро го носеше бројот десет на Атлетико Мадрид и Манчестер Сити и се очекуваше да го стори истото по заминувањето на Меси, но тој одлучи да го задржи бројот 19 што го избра по пристигнувањето на Камп Ноу.
