Претседателот на ПСЖ, Насер Ал-Хелаифи, инсистира дека нема проблеми меѓу ѕвездите Килијан Мбапе и Нејмар, споредувајќи ги сите фрустрации меѓу нив со расправии меѓу браќата и сестрите.
Гласините за незадоволство на „Паркот на принцовите“ кружат по победата на парижаните со 5-2 против Монпелје на 13 август, каде Нејмар реши да го изведе пеналот по претходното промашување на Мбапе.
На тој меч Мбапе наводно делувал исфрустриран од неколку соиграчи, а на крајот наводно дошло до тепачка во соблекувалната, поради што Серхио Рамос морал да реагира за да ја смири ситуацијата.
Набргу потоа, се виде дека на Нејмар му се допаѓа твит во кој пишува дека Мбапе почнал да се однесува како да е сопственик на клубот по неговиот нов договор со ПСЖ.
По ждрепката во четвртокот во Лигата на шампионите, на која Пари Сен Жермен беше извлечен во групата Х со Јувентус, Бенфика и Макаби Хаифа, Ал-Хелаифи беше категоричен дека секоја расправија меѓу неговите суперѕвезди е преовеличена.
„Не, не. Воопшто нема проблем“, рече тој и продолжи: „Мислам дека е реално… Мислам дека вие новинарите предизвикувате најмногу проблеми. Овие дискусии се како расправии меѓу браќата и сестрите. Килијан и Нејмар се добри соиграчи и добри пријатели“, рече Ал-Келаифи.
ПСЖ фуриозно ја започна сезоната со три победи во Лига 1 и со 17 постигнати гола и само три примени по три кола.
“Ова е добар почеток, но тоа е само почеток. Сите мора да работат повеќе и има многу работи кои треба да ги подобриме бидејќи сезоната е предолга. Задоволни сме, но сме само на почетокот”, изјави сопственикот.
ПСЖ без сомнение лесно ќе ја освои титулата во Лига 1, но и оваа сезона како и претходните примарна цел е освојување на Лигата на шампионите, која секогаш се чекала.
