Фудбалерот на Баерн Минхен, Давид Алаба, продолжува да преговара за нова договор со Баварците, но преговорите тешко одат. Според Билд, главната причина поради која не може да се постигне договор е платата. 28-годишниот Австриец бара 20 милиони евра годишно.
Самиот играч би сакал дресот на баварците да го замени со оној на Реал Мадрид или Барселона, но овие клубови ова лето не можат да ја платат цената што се бара за него.
Од друга страна, ПСЖ, Челзи и евентуално Манчестер сити се подготвени да го купат австрискиот репрезентативец, но тој самиот не сака да оди во овие екипи.
Тековниот договор на Алаба со Баерн важи до крајот на јуни 2021 година.
Во сезоната 2019/20 година, тој запиша 38 натпревари за германскиот шампион, постигнаа два гола и направи две асистенции.
Порталот „Transfermarkt.com“ ја проценува вредноста на Австриецот на 52 милиони евра.
