Францускиот фудбалер Пол Погба беше исфрлен од тимот на Јувентус пред натпреварот против Фрајбург во осминафиналето на Лигата на Европа.
Според италијанските медиуми, францускиот играч за врска ги прекршил дисциплинските прописи на клубот.
Погба доцнеше на тренинг во средата навечер, а тренерот на Јувентус, Масимилијано Алегри реши да го казни со тоа што го остави надвор од тимот.
29-годишниот француски фудбалер минатото лето се врати во Јувентус како слободен играч, а оваа сезона забележа само два настапи.
Тој имаше сериозна операција на коленото поради која го оддалечи од терените, а неодамна „Скај Спортс“ објави дека Јувентус планира да го продаде Погба во следниот преоден рок.
Јувентус од 21 часот го пречекува Фрајбург во првиот осминафинален натпревар од Лигата на Европа.
