Тренерот на Реал Мадрид, Карло Анчелоти изјави дека Карим Бензема е подготвен за реваншот од Лигата на шампионите против Ливерпул.
Францускиот напаѓач го пропушти последниот натпревар против Еспањол (3:1) викендов поради проблеми со зглобот.
„Во среда Бензема ќе биде 100 отсто подготвен. Со групата работеше во неделата, а претходно имаше добри тренинзи индивидуално. Тој е целосно подготвен и супер мотивиран. За Карим и за клубот ова е многу важен натпревар. Ќе се обидеме повторно да победиме. Не се подготвуваме за овој натпревар како да имаме предност. Не сакаме ништо да препуштиме на случајноста“, изјави Карло Анчелоти пред новиот дуел со Ливерпул.
Во првиот натпревар на Енфилд, Реал победи со огромни 5:2 . Бензема потоа постигна два гола. Реваншот од осминафиналето е закажан за среда на 15 март.
