Реал Мадрид е невозможно да се замисли без Тони Крос, Касемиро и Лука Модриќ.
Веројатно најдоброто трио играчи од средниот ред во историјата на фудбалот го покажа своето знаење минатата сезона кога ги освои Лигата на шампионите и Ла Лига.
Иако шлаг на тортата би биле напаѓачите Крос, Модриќ и Касемиро, тие се оние кои имаат најголема заслуга зошто Реал Мадрид во последните седум сезони четири пати ја освојуваше Лигата на шампионите.
Првата заедничка сезона во дресот на кралскиот клуб ја одиграа во сезоната 2015/2016 и оттогаш изградија совршена комбинација во средниот ред.
Какви мајстори се со топката покажаа на последниот подготвен дуел против Јувентус кога Стара дама беше совладана без поголеми проблеми со 2:0.
It’s 2087, Kroos Casemiro and Modrić are still bossing Real Madrid’s midfield https://t.co/I0Y08cSfL6
— Gaëlle (@GaelleSayegh) July 31, 2022
Модриќ, Крос и Касемиро одиграа неколку додавања на мал простор и сето тоа изгледаше како да играат со затворени очи.
По тој натпревар, Карло Анчелоти на своите тројца играчи им даде оригинални прекари. Откри и за што се работи.
Крос, Касемиро и Модриќ ги нарекувам Бермудски триаголник бидејќи топката исчезнува во просторот што го покриваат“, изјави Италијанецот.
Досега Бразилецот, Хрватот и Германецот имаат освоено 15 трофеи со Реал, а извесно е дека ќе имаат уште една сезона за дополнително збогатување на касата.
In 2015/16, Toni Kroos, Luka Modrić and Casemiro played their first season together at Real Madrid:
🏆🏆🏆🏆 #UCL
🏆🏆🏆 Club World Cup
🏆🏆🏆 Supercopa
🏆🏆🏆 LaLiga
🏆🏆 Super Cup15 trophies. 🙇♂️ pic.twitter.com/hQc4QUmOHd
— Squawka (@Squawka) May 28, 2022
Инаку, претстојната сезона би можела да биде и последна во која заедно го гледаме познатото трио со оглед на тоа што им истекуваат договорите на Крос и Модриќ.
Нема сомнеж дека Флорентино Перез ќе направи се за да ги задржи во својот тим играчите кои му донесоа толку многу радост во последните години.
