Тренерот на Реал Мадрид, 63-годишниот Карло Анчелоти веднаш по ждрепката за четвртфиналето на Лигата на шампионите му се јавил на техничкиот директор на Милан, Паоло Малдини и му рекол дека очекува нивните два тима да се сретнат во финалето на најелитното европско натпреварување во Истанбул.
Ова го откри легендарниот дефанзивец на „росонерите“, кој долги години играше под водство на искусен тренер, во периодот минат во миланскиот гигант. Во 2005 година двајцата имаа можност да го освојат трофејот во Лигата на шампионите во Истанбул, но загубија во познатото финале од Ливерпул, по вистинска драма и историски пресврт (од 0:3 до 3:3), кој заврши со драматично изведување пенали и триумф на Англичаните. Сега Реал Мадрид и италијанскиот шампион се во два различни делови од костурот и можат да се сретнат само во финалето.
🗣️ #Maldini to #Repubblica: "Do you know what the problem is? That even #Ancelotti, who is now at Real, did not finish his work in #Istanbul. Immediately after the draw, he called me: "Paolo, see you in Istanbul, yes?" pic.twitter.com/UMTX3a3D0H
— Milan Posts (@MilanPosts) April 9, 2023
„Дали знаете што е проблемот? Анчелоти, сега во Реал, има незавршена работа и во Истанбул. Веднаш по ждрепката ми се јави и ми рече: „Паоло, се гледаме во Истанбул, нели?“ Нема да биде лесно, но историјата на клубот ни дава можност да веруваме во тоа. Тоа се случи и порано. Кога ќе стигнете до март-април и ќе дојде време за Лигата на шампионите, можете да ја претворите сезоната во нешто неверојатно. Ја имаме таа шанса и сакаме да ја искористиме“.
💭 It costs nothing to dream ❤️️🖤
🗣 Maldini's comments: https://t.co/hbt9EdxWeV pic.twitter.com/UtzeXsb491
— SempreMilan (@SempreMilanCom) April 9, 2023
„Можеби сето ова ви звучи чудно, но да не сонувавме, веројатно ќе освоивме помалку трофеи во Лигата на шампионите. И во сегашниот состав имаме многу сонувачи. Добро е да ги имаш. Има и реалисти. И јас бев сонувач кога играв. Сакам да сонувам. Мојот живот е остварување на сонот, особено во Милано. Без соништа веројатно и самиот би имал помалку трофеи во Лигата на шампионите“, изјави Малдини во интервју за „Ла Република“.
Екипата на Милан во реваншот од четвртфиналето ќе игра против Наполи, додека Реал за противник ќе го има Челзи. Двајцата се домаќини на првите средби кои се закажани за 12 април.
