Фудбалскиот тренер на Реал Мадрид, Карло Анчелоти изјави дека не е заинтересиран да го напушти клубот и покрај гласините дека ќе биде нов селектор на Бразил.
Италијанецот има договор со кралскиот клуб до јуни 2024 година и е уверен дека ќе го доживее тоа до крај.
Искусниот стручњак неодамна беше повикан да ја предводи бразилската фудбалска репрезентација, чие место селектор беше празно по заминувањето на Тите по Светското првенство во Катар.
„Убеден сум дека сум на вистинското место, бидејќи имам голема поддршка од играчите и клубот. Одамна кажав каква иднина сакам“, рече Анчелоти , а потоа продолжи:
„Имам договор со Реал до летото 2024 година, сакам да го дочекам до крај. И потоа? Ако Реал е среќен, јас ќе останам до 2024 година“, изјави во негов стил Анчелоти.
