Карло Анчелоти летово се врати во Реал Мадрид и навивачите се задоволни од досегашните игри на кралскиот клуб.
Јасно е дека Анчелоти доби многу поинаков тим од првиот мандат, но успеа да ги склопи коцките, а Реал изгледа прилично добро на теренот.
Анчелоти има интересен кадар на играчи на располагање и јасно е дека не може секој да добие шанса. Затоа дел од фудбалерите се незадоволни што немаат поголема минутажа и како што стојат работите во јануари би можеле да го напуштат Сантијаго Бернабеу.
Шпанските медиуми наведуваат дека тоа особено се однесува на Еден Азар, чие доаѓање во Реал Мадрид се чини дека е голем неуспех. Белгиецот има проблеми со повредите, но и кога е здрав претежно е на клупата.
Но, Азар не е единствениот што Анчелоти го отпиша. Покрај него се издвојуваат Иско, Лука Јовиќ и Хесус Ваљехо, кои најчесто натпреварите ги започнуваат од клупата и добиваат шанса дури на крајот од мечот.
Медиумите во Шпанија пишуваат дека Анчелоти дал зелено светло овие играчи да излезат на трансфер листата бидејќи е очигледно дека не смета премногу на нив.
Сепак, треба да се напомене дека се уште имаат шанса да се докажат и да му покажат на Анчелоти дека греши бидејќи до почетокот на јануарскиот преоден рок остануваат уште 11 натпревари.
❌Ancelotti no ha contado con ellos en toda la temporada salvo para darles minutos como suplentes
👉Quedan 11 partidos para encontrar su sitio en el equipo antes de la apertura del mercado invernal
✍️ @AlejandroAlcza2 https://t.co/kwxdgJTLjQ
— Diario SPORT (@sport) November 2, 2021
