Младиот фудбалер на Барселона, Ансу Фати, конечно се опорави од повредата на коленото, но се уште не е подготвен да се врати на терените.
Минатата година Фати се здоби со повреда на менискусот на десното колено, поради што трипати беше опериран, а тој беше надвор од терените речиси една година.
18-годишниот фудбалер неодамна се приклучи на тимот на Барселона на тренинзи, но клубот не сака да брза со неговото враќање на терените.
Фати би требало да се врати на терените на почетокот на следниот месец и сега целта е да работи што е можно повеќе на својата физичка подготвеност. Исто така, овој тинејџер се очекува да биде лидер на тимот во иднина, а клубот му го стави до знаење ова.
Имено, по заминувањето на Лионел Меси од клубот, му го дадоа бројот десет на Фати, што сигурно ќе биде одреден товар за него. Но, покажа колку и посветувам на Барселона и ова лето.
Фати има договор со Барселона до крајот на оваа сезона и некои клубови веќе стапија во контакт со неговиот агент Мендеш за да му понудат договор на овој играч, а пред се се издвојува Манчестер Сити.
Граѓаните му понудија петгодишен договор на овој 18-годишник, но тој одби и рече дека неговата единствена цел е да остане во Барселона и да успее во овој клуб.
Фати му рече на Мендеш дека не го интересираат понудите на други клубови и дека сака да го продолжи договорот со Барселона, што треба да се случи многу наскоро.
Се очекува Фати да потпише договор до летото 2026 година и ќе има значително повисока плата отколку што е во моментов.
