Италијанскиот возач Антонио Џовинаци ќе ја напушти Алфа Ромео на крајот од оваа сезона.
Џовинаци остави многу добар впечаток во болидот на италијанскиот тим во претходните сезони, а многумина беа сигурни дека тој ќе го продолжи договорот.
Алфа Ромео неодамна потврди дека Валтери Ботас доаѓа во тимот на местото на Кими Раиконен кој заминува во пензија, а се веруваше дека Џовинаци ќе остане дел од овој тим.
Сепак, Алфа Ромео денеска потврди дека Џовинаци го напушта тимот на крајот од оваа сезона и воопшто не е сигурно дека ќе може да најде нов тим.
BREAKING: Antonio Giovinazzi will leave Alfa Romeo at the end of the season#F1 pic.twitter.com/2ZuyUxECtk
— Formula 1 (@F1) November 16, 2021
Веќе е потврдено дека возачот на Формула 2, Гуању Џоу, ќе биде новиот возач на Алфа Ромео и дека тој ќе го заземе местото на Џовинаци во овој тим.
BREAKING: Guanyu Zhou will race for Alfa Romeo in 2022, becoming China's first full-time #F1 driver pic.twitter.com/Fd3Zkwth6D
— Formula 1 (@F1) November 16, 2021
Џовинаци досега извозе 60 трки со болид на Алфа Ромео, а најдобриот пласман го постигна пред две години кога заврши на петтото место на Големата трка на Бразил.
