Во 15 часот се одиграа три натпревари од 35. коло во Серија А.
Двата дуели имаа огромно резултатско значење.
Аталанта ја совлада Парма на гости со 2:5 и направи важен чекор кон пласман во Лигата на шампионите следната сезона. За тимот од Бергамо стрелци беа Малиновски во 12-та, Песина во 52-та, Муриел во 77-та и 86-та минута и Миранчук во 93-та минута од натпреварот. За Парма ги постигнаа Брунета во 78-та и Сом во 88-та минута.
Беневенто и Каљари одиграа директен судир во борбата за опстанок, а гостите од Сардинија славеа со 1:3 и се оддалечија на четири бода од зоната за испаѓање. Каљари поведе со голот на Ликојанис уште во првата минута. Лападула израмни на 1:1 во 16-та минута, а Павлоети им донесе нова предност на гостите со погодокот во 64-та минута. Конечните 1:3 ги постави aоао Педро во 93-та минута од натпреварот.
На третиот дуел од 15 часот Верона и Торино ремизираа 1:1. Торино поведе со голот на Војводата во 86-та минута од играта, а Ди Марко погоди во 89-та за 1:1. Ова реми значеше многу повеќе за гостите, кои помирно влегуваат во последните три кола кога станува збор за борбата за опстанок.
