Австрискиот интернационалец Марсел Сабицер ова лето може да ги засили редовите на германскиот шампион Баерн.
Според германските медиуми, Сабицер е на листата на желби на Баерн, и бидејќи неговиот договор со РБ Лајпциг истекува за една година, неговиот трансфер изгледа како реална опција.
Германскиот шампион е подготвен да му понуди на РБ Лајпциг 18 милиони евра надомест за одредени бонуси, и оваа бројка треба да ги задоволи апетитите на Лајпциг.
Сабицер пристигна во Лајпциг пред шест години кога овој клуб играше во втората Бундеслига. Пристигна од РБ Салцбург, а покрај овие два клуба играше и за Адмира и Рапид Виена.
Одигра вкупно 227 натпревари за РБ Лајпциг и постигна 52 гола на кои додаде 42 асистенции. За репрезентацијата на Австрија одигра 54 натпревари, на кои постигна осум гола.
