Кошаркарите на Милвоки Бакс го совладаа Феникс Санс со 109-103 на својот паркет и израмнија на 2-2 во финалето на НБА.
Почетокот на четвртата игра во серијата им припаѓа на Санс. Добро влегоа во игра, контролирајќи го резултатот до средината на вториот период кога Бакс направи серија од 8-0 и поведе.
Санс, сепак, наскоро ја вратија предноста на нивна страна. Се чинеше дека ќе поведат на паузата, но домашните изедначија на 52:52 со добар крај на првото полувреме, што беше резултат по 24 минути игра.
Гостите од Феникс имаа предност во поголемиот дел од второто полувреме, но Бакс беа тие кои одиграа феноменална завршница на играта.
Одличната одбрана и расположениот Крис Мидлтон во нападот беа доволни домашните да ја прекинат играта и да дојдат до втора победа за 2-2 во последната серија.
https://youtu.be/q6l_Bj381U0
Крис Мидлтон ги предводеше Бакс на оваа средба со 40 поени, шест скока и 15 удари од 33 обиди. Антетокунмпо постигна 26 поени, фати 14 топки и забележа осум асистенции.
Кај Санс единствен расположен беше Девин Букер со 42 поени, додека остатокот од тимот не успеа, особено во решавачките моменти.
Последната серија сега повторно се сели во Феникс каде ќе се игра следниот натпревар.
