Иако челниците на Ал Сад побараа исклучиво доаѓањето на Жоан Лапорта во Катар за да се постигне договор за Чави, тоа нема да се случи.
Претседателот на Барселона, како што јави ТВ3, нема да лета за Доха на средба со раководството на Ал Сад, туку тоа ќе го направат спортскиот потпретседател на Барса, Рафа Јусте и директорот Матеу Алемани, кои ќе тргнат од Киев вечерва по натпреварот од Лигата на шампионите против Динамо.
Двајцата ќе се обидат да ги убедат челниците на Ал Сад да му дозволат на Чави да ја преземе Барселона и ќе се обидат да му објаснат на домаќинот на средбата дека претседателот на Лапорта никогаш не патува за да заврши трансфер, без разлика дали е играч или тренер.
Во Ал Сад беа директни и прецизни – мора да дојде Лапорта ако Барселона го сака Чави без обештетување, а ова е прашање што ќе се случи и дали богатиот Катар на крајот ќе им го остави Чави на Каталонците. Ова ги искомплицира работите за Барселона, но на стадионот „Камп Ноу“ се убедени дека на крајот ќе се договорат, иако сметаат дека е непочитување што не им доаѓа првиот човек на нозе туку неговите помошници, а тоа се толку важни преговори.
Чави одлично си ја врши работата со Ал Сад, но сега им претстои важен натпревар против Ал Духаил кој го следи на табелата со три бода помалку. Ал Сад со евентуална победа би бил на чекор од титулата.
Барселона работи на доведување на Чави по заминувањето на Роналд Куман, а тимот привремено го предводи Бархуан, кој минатиот викенд го предводеше тимот против Алавес (1:1). Вториот натпревар, уште поважен, ќе го има вечерва во Киев против Динамо.
