Екипата на Барселона би можела да објави големо засилување во петок.
По Ерик Гарсија и Серхио Агуеро, новиот фудбалер на каталонскиот гигант ќе стане и членот на холандската репрезентација Мемфис Депај.
Одличниот напаѓач ги договори сите услови во врска со договорот со Барселона и тој многу брзо ќе стане нов член на овој клуб.
View this post on Instagram
Каталонскиот клуб се надева дека работата ќе биде завршена непосредно пред почетокот на Европското првенство (петок) и многу лесно може да се случи да го објават потписот на Депај во петок.
27-годишниот напаѓач играше за Лион во изминатите четири и пол години, каде што обезбеди навистина одлични игри.
За „лавовите“ одигра вкупно 178 натпревари и постигна 76 голови.
View this post on Instagram
Претходно во својата кариера играше за Манчестер Јунајтед, каде не се прослави, а славата ја стекна во дресот на ПСВ Ајндховен.
Зад Депај е навистина одлична сезона во Лион во која тој постигна 22 гола и 12 асистенции на 40 натпревари.
Депај, како Гарсија и Агуеро, би пристигнал на Камп Ноу како слободен агент.
