Екипата на Барселона наводно ги обезбеди услугите на одличниот шпански репрезентативец Дани Олмо за следната година.
Според Ла Секста, Олмо ќе стане нов играч на Барселона во 2022 година, но се уште не е познато дали ќе дојде во јануари или следното лето.
“Дани Олмо ќе ја засили Барселона во 2022 година. Преговорите се во напредна фаза и играчот прифати големо намалување на платата. Не е познато дали ќе дојде зима или лето. Се зависи од финансиската состојба”, рече Марија Гаридо од Ла Секста.
🚨 Dani Olmo llegará al Barça en 2022. El jugador se bajará mucho el salario. Está todo muy avanzado pero tienen que concretar flecos y ver si será en el mercado invernal o ya el próximo verano.
— Maria Garrido (@mariagarridos) September 3, 2021
Дани Олмо е дете на Барселона. Играше за младинските селекции на овој клуб во периодот од 2007 до 2014 година, кога замина во Динамо Загреб.
View this post on Instagram
Одењето во Хрватска се покажа како вистински потег. Во дресот на Динамо, Олмо експлодираше и отиде во РБ Лајпциг минатата година.
23-годишниот фудбалер и претходно беше поврзуван со Барселона. Сепак, тој одлучи да оди чекор по чекор, но очигледно е дека на крајот сепак може да игра во дресот на каталонскиот великан.
