Герет Бејл нема да го напушти Реал Мадрид ова лето, според неговиот менаџер Џонатан Барнет, кој вели дека Велшанецот е меѓу најдобрите фудбалери на светот и најдобрите во светот не заминуваат на позајмица.
Бејл има направено само два настапи за Реал Мадрид од враќањето на фудбалот по пандемијата на коронавирус во јуни и беше изоставен од тимот на Зинедин Зидан во последниот натпревар во Ла Лига против Леганес
Велшанецот во последниве недели беше виден како седи сам тажен на клупата на Реал Мадрид, окупирајќи ги насловните страни со тврдења дека спиеше за време на натпреварите и дека гледаше со двогледи кон соиграчите на теренот.
Тој постигна само три гола на 20 настапи за Мадрид во текот на сезоната 2019/20 и застана настрана додека екипата ја прослави титулата Ла Лига на теренот, по победата од 2:1 над Виљареал минатиот четврток.
Објавено е дека Мадрид ќе го отстрани веднаш штом ќе се отвори летниот преоден рок, но Барнет инсистира на тоа дека Бејл ќе остане.
„Герет е во ред. Тој има уште две години во неговиот договор со Мадрид. „Тој сака да живее во Мадрид и нема да оди никаде“, изјави Барнет за Би-Би-Си.
„Тој е сè уште добар како другите. Има интерес за него, но тешко дека можете да најдете клуб во светот што може да си ја дозволи платата“, додаде тој.
„Лошо е што тој во моментот не е во тимот на Реал Мадрид, но нема да замине“.
