Многумина не би се осмелиле на тоа што се осмели Карим Бензема на првиот натпревар од полуфиналето на Лигата на шампионите против Манчестер Сити.
Реал потоа загуби во Манчестер со 4:3, а Французинот се прослави со три гола, од кои еден неверојатен – пенал изведе со резултат 4:2.
Милиони гледачи чекаа Бензема на најсигурен начин да го изведе пеналот и да му донесе важен гол на Реал, но тој го презеде најголемиот можен ризик, ги маѓепса сите со својата популарна паненка, а на крајот имаше среќа што топката падна во мрежата.
Во реваншот Реал по продолженијата славеше со 3:1, а преминот во финалето од пенал го потврди Бензема, па „кралевите“ ќе ги одмерат силите со Ливерпул на 28 мај во Париз.
„Го чекав вистинскиот момент како овој, еден ваков натпревар каде што има голем притисок. Тоа е тој вид на притисок што ви дозволува да правите вакви потези. За мене во секој случај…“
💬 Benzema sur sa panenka en demi-finale aller contre Manchester City : "J'attendais le bon moment, dans un match comme ça où il y a beaucoup de pression. C'est ce genre de pression qui te permets de faire des gestes comme ça. Pour moi en tout cas…" pic.twitter.com/cQa83nVaG0
— RMC Sport (@RMCsport) May 16, 2022
Според многумина, Бензема заслужи конечно да ја освои Златната топка и би била навистина голема неправда доколку на Французинот не му се додели тоа признание на крајот од оваа сезона.
Со Реал Мадрид ја освои титулата во Шпанија, а сега ги чека голем предизвик во Париз. Инаку, тренерот Карло Анчелоти често го фали Бензема и зборува за него со посебни зборови.
„Тешко ми е да го сметам Бензема само центарфор, бидејќи во реалноста тој е феноменален играч кој игра во напад. Тој не е само стрелец туку и асистент. Тој е комплетен играч и многу важен за нас, тој е врвен играч и мислам дека моментално е најдобар во светот. Мислам дека Карим стана лидер кога Роналдо си замина“, изјави Анчелоти и продолжи:
“Роналдо беше играч кој постигнуваше 50 гола по сезона и без него Реал Мадрид имаше големи проблеми со постигнување голови. Бензема ја презеде таа одговорност и стана уште поважен за тимот”.
„Тој е лидер на овој тим, но не и единствениот. Успеавме да изградиме силен дух во тимот и тоа се гледа на натпреварите што ги играме. Тие се еден за друг и тоа е клучот за успехот и тоа е клучот за успехот“, изјави Анчелоти.
https://youtu.be/yest88pyqwM
