Играчот од средниот ред на Манчестер Сити, Бернардо Силва ја напушта Англија и очигледно пристигнува во Барселона.
Сагата околу преселбата на Силва во Барселона трае веќе со недели и сега Португалецот со проштална порака го најави трансферот во каталонскиот клуб.
„Одличен настап на тимот и фантастична атмосфера. Би сакал да им се заблагодарам на сите на стадионот за сите убави моменти и љубовта што ми ја покажавте“, напиша Бернардо на својот Твитер профил.
Португалецот од почетокот исто како и Роберт Левандовски бараше да оди во Барселона и на крајот Пеп Гвардиола и раководството на Сити не сакаа да му прават проблеми.
Новинарот Жерар Ромеро тврди дека Бернардо закажал посета на Барселона за да ги види куќите следната недела, а остануваат уште ситници пред да се официјализира неговиот трансфер во Барса.
Покрај Силва, Барселона до крајот на неделата ќе го доведе и Марко Алонсо со што би се комплетирал ростерот за новата сезона.
Во првиот лигашки натпревар, Барса разочара во саботата навечер, играјќи само 0:0 со Рајо Ваљекано пред полните трибини на својот стадион.
A great performance from the team and a fantastic atmosphere! I would also like to thank everyone at the stadium for those beautiful moments of love and support you guys showed me 💙 pic.twitter.com/H6OWz2Oh4b
— Bernardo Silva (@BernardoCSilva) August 14, 2022
