Алваро Мората беше на чекор од заминување од Јувентус во јануари.
Мората моментално е член на Јувентус каде игра како позајмен од Атлетико Мадрид, но на крајот од јануарскиот преоден рок имаше понуда кариерата да ја продолжи во Барселона.
Искусниот напаѓач сакаше да потпише за каталонскиот клуб и нетрпеливо чекаше во Мадрид да се комплетира тој трансфер, но на крајот се си дојде на свое место.
Клубовите не успеаја да се договорат, а на крајот Барселона реши да го ангажира Пјер-Емерик Обамејанг, а Мората остана во Јувентус.
Само неколку недели подоцна Мората реши да ја сврти својата приказна, а сега тврди дека никогаш не сакал да го напушти Јувентус и дека му е драго што останал во овој клуб.
“Сега не е важно. Разговарав со Алегри за понудата на Барселона. Тој ми рече дека доаѓањето на Душан Влаховиќ ќе ми помогне, и така беше. Среќен сум во Јувентус. Ако се прашувам јас, секогаш ќе останам тука“, рече тој. Мората.
Позајмицата на Мората истекува на крајот од оваа сезона, а доколку Јувентус не реши да го откупи неговиот договор, тој ќе се врати во Атлетико Мадрид со кој има соработка до летото 2023 година.
