Борусија Дортмунд го победи Бешикташ со 2:1 во првото коло од групата Ц од Лигата на шампионите.
Бешикташ одигра доста слабо во првото полувреме и тоа на крајот ги чинеше на овој натпревар.
Белингем одигра одличен натпревар и 18-годишниот Англичанец е најзаслужен за триумфот на германскиот великан.
Прво, овој талентиран играч за врска погоди за 1:0 во 20-та минута, а потоа во продолжението на првото полувреме му асистираше на Ерлинг Халанд за предност од 2:0.
İlk yarı sonucu.#BJKBVB | 0:2 pic.twitter.com/JgpWMw3pLN
— Beşiktaş JK (@Besiktas) September 15, 2021
Бешикташ се пробуди во второто полувреме. И домаќините имаа свои шанси, но не можеа да стигнат до целта која ќе ги врати во игра.
Секако, и Борусија имаше добри шанси да ја зголеми предноста. Сепак, финишот беше слаб и на крајот од третиот гол за гостите немаше ништо.
Тимот од Истанбул сепак успеа да се врати во натпреварот. Во петтата минута од продолжението, Миралем Пјаниќ испрати перфектен центаршут од корнер, а Монтеро погоди за 2:1.
Сепак, домашниот тим не успеа да израмни во остатокот од натпреварот, а гостите си отидоа дома со три бода.
