Барселона одигра навистина скромно под водство на Роналд Куман, па холандскиот стручњак доби отказ на крајот на минатата година.
Еден од најслабите натпревари беше дуелот против Бенфика во Лигата на шампионите. „Настрадаа“ Каталонците со 3:0.
Незапирлив на тој меч за фудбалерите на Барселона беше уругвајскиот напаѓач Дарвин Нуњез. Несреќниот Роналд Куман го видел играчот кој за малку ќе завршил во Барселона на работа и му кажал на тогашниот директор Рамон Планс.
„Значи, ова е Нуњез што сакавте да го потпишете“, му рекол бледиот Роналд Куман на директорот Рамон Планс, откако Уругваецот постигна два гола во победата на Бенфика над Барселона од 3:0.
Тимот од Камп Ноу би можел да го добие Нуњез во септември 2020 година за прилично мала бројка. Ова го откри познатиот трансфер магионичар Џанлука Ди Марцио.
„Поранешниот директор на Барселона Рамон Планес и понуди на Алмерија околу осум милиони евра, плус бонуси за Дарвин. Тој исто така понуди да го задржи играчот на позајмица уште една сезона“, рече Ди Марцио и додаде:
“Роналд Куман го сакаше Лук де Јонг, но даде зелено светло за пристигнувањето на Нуњез. Кога се беше готово, се појави Бенфика, понуди 22 милиони евра и веднаш потпишаа со играчот. Откако постигна два гола, Куман му рече на Планс во авионот. „Значи, тоа е Нуњез што сакавте да го потпишете.
Дарвин оваа сезона игра навистина спектакуларно во дресот на Бенфика. Неговата цена значително скокна и клубот од Лисабон бара околу 80 милиони евра за Уругваецот.
Интересот за него е огромен. Покрај Барселона, тој се поврзува и со Манчестер Јунајтед, Баерн, Њукасл и ќе видиме каде ќе заврши одличниот 22-годишен фудбалер.
Дарвин Нуњез има постигнато 48 гола за Бенфика на 84 натпревари, од кои 34 ги постигна оваа сезона.
