Џовани Ди Лоренцо остави одличен впечаток на Европското првенство во дресот на италијанската репрезентација.
Италијанците во неделата по пенали успеаја да ја совладаат Англија во финалето на Евро и да стигнат до титулата европски шампион.
Ди Лоренцо беше стандарден член на тимот на Роберт Манчини и со своите игри го привлече вниманието на многу европски великани.
Во претходните денови, Ди Лоренцо беше поврзуван со трансфер во Манчестер Јунајтед, но сега е јасно дека нема да има ништо од неговото заминување во англиското првенство.
Имено, Наполи вечерва потврди дека Ди Лоренцо потпишал нов договор и дека ќе остане во клубот од Неапол до летото 2026 година.
Се шпекулираше дека Наполи може да ги искористи добрите игри на Ди Лоренцо на Европското првенство и да го продаде ова лето, но Де Лаурентис повторно покажа дека парите не му се толку важни.
Наполи на овој 27-годишен играч му понуди нов договор, кој тој го прифати без многу размислување, а вечерва сè се официјализира.
✍️ Giovanni Di Lorenzo signs new Napoli deal through to 2026
💙 #ForzaNapoliSempre pic.twitter.com/LGC0Zxc41x
— Official SSC Napoli (@en_sscnapoli) July 15, 2021
Ди Лоренцо потекнува од Реџина, а во Наполи пристигна летото 2019 година од Емполи за осум милиони евра, што беше одлична работа.
