Се погласни се шпекулациите дека по завршувањето на договорот Лионел Меси ќе замине од Барселона и ќе се пресели во Манчестер Сити кај Пеп Гвардиола. Сепак, последните информации говорат дека Сити добива сериозен конкурент. Имено, според угледниот фудбалски портал „Гоал“ екипата на Челзи се вклучува во трката за услугите на Аргентинецот.
Повеќе детали не се познати, но наводно Челзи е подготвен да му ги исполни желбите на Аргентинецот доколку одлучи да дојде во „синиот“ дел на Лондон. Договорот на Меси со Барселона му истекува по завршувањето на оваа сезона, односно во јуни 2021.
