Бразилската легенда Кафу смета дека во моментов нема подобар фудбалер во светот од неговиот сонародник Нејмар.
Нејмар веќе подолго време е еден од најдобрите играчи на светот, но ретко кој се осмелува да каже дека е број 1, особено во време кога знаеме дека Кристијано Роналдо и Лео Меси сепак играат фудбал.
Еден од оние што го стори тоа беше Кафу. Неговата изјава веќе привлече големо внимание.
„Кога станува збор за квалитет, не постои играч кој може да го надмине Нејмар. Ниту Меси, на кого сум голем обожавател. Тој е играч кој е повикан да направи разлика во бразилскиот фудбал”, вели Кафу.
За да ја зајакне својата теза, Кафу објасни како спротивставените дефанзивци го чуваат напаѓачот на ПСЖ.
„Нејмар треба да ја преземе таа одговорност. Ни се допаѓа тоа или не, со него на теренот имате осум противнички играчи на неговиот грб. Тоа е референца, тој отвора простор и е во состојба да постигне дополнителни голови”, додаде поранешниот десен бек на Милан и Рома.
Се разбира, многумина не се согласуваат со ова мислење и мислат дека Кафу размислува така само затоа што Нејмар е негов сонародник.
