Во 31. коло во Серија А, фудбалерите на Интер на гостински терен го победија Емполи со 2:0 и со тоа ја продолжија трката за место во Лигата на шампионите.
Миланезите се во нови околности, односно откако му беа вратени 15 бода на Јувентус се петти со два бода помалку и натпревар повеќе од Рома која е во зоната на пласман во елитното клупско натпреварување на Стариот континент, додека Емполи е на 15. позиција со 32 бода.
Интер беше многу подобар ривал во поголемиот дел од натпреварот, а најголемата заслуга за прекин на серијата во која освои само бод на последните пет меча имаше Ромелу Лукаку.
🇧🇪⚽️ Le but de Romelu Lukaku face à Empoli.
https://t.co/cHellzvBzI— Belgium Touch 🇧🇪 (@BelgiumTouch) April 23, 2023
Белгискиот репрезентативец им донесе предност на гостите со прецизен удар по земја во 48. минута, а во 76. минута соло акцијата ја заврши со ефектен гол за само петти гол во првенството оваа сезона.
🤯🤯 Le MAGNIFIQUE but de Romelu Lukaku.
R9 IS BACK 🇧🇪🇧🇷
https://t.co/SpDNdZP0Dc— Belgium Touch 🇧🇪 (@BelgiumTouch) April 23, 2023
