Дани Алвеш вечерва и официјално потврди дека летово ја напушта Барселона.
Алвеш мина седум месеци во каталонскиот клуб и одигра неколку одлични натпревари, но на крајот челниците на клубот решија да не му понудат нов договор иако тој беше подготвен дури и да соработува само шест месеци.
Со заминувањето на Алвеш јасно е дека бројот осум повторно е слободен, но како што пишува Мундо Депортиво веќе е јасно кој од следната сезона ќе го носи овој број во Барселона.
Иако Миралем Пјаниќ летово се враќа во Барса и целта му е да остане во каталонскиот клуб и следната сезона, јасно е дека нема да го добие бројот што го носеше во овој клуб пред заминувањето во Бешикташ.
🗣️ Dani Alves lo dijo en una entrevista con MD: "Le dije que le dejaría el '8'. Si me voy, se lo puede quedar directamente"
✨ Pedri ya podrá lucir el 8️⃣https://t.co/gApKa93Ni4
— Mundo Deportivo (@mundodeportivo) June 15, 2022
Во случај Пјаниќ да остане во Барса ќе мора да позајми нов број бидејќи бројот осум ќе му припадне на Педри. Младиот играч од средниот ред ги воодушеви сите со своите игри минатата сезона и стана првата ѕвезда на Барселона.
Неодамна отвори официјална страница со бројот осум како заштитен знак, а исто така призна дека би сакал да го добие тој број поради неговиот идол Андрес Иниеста.
Ahora que se va Dani Alves el dorsal número 8 va a quedar libre.. podremos ver a Pedri con el 8 😍 pic.twitter.com/EPMflcU9pB
— ً (@amin_fcb10) June 15, 2022
Барселона веќе одлучи дека бројот осум ќе му припадне на Педри, а тоа би се случило доколку остане Алвеш бидејќи Бразилецот претходно изјави дека таа бројка лесно ќе му ја препушти на младиот играч за врска.
Што се однесува до Пјаниќ, тој сигурно ќе ги започне подготовките со Барселона и веројатно ќе добие шанса на подготвителните натпревари, а потоа ќе биде појасно дали ќе остане во клубот или пак среќата ќе треба да ја бара на друго место.
