Бугарскиот премиер Бојко Борисов го повика претседателот на Државниот фудбалски сојуз, Борислав Михајлов, да поднесе оставка по расистичката злоупотреба на бугарските навивачи против фудбалерите на Англија за време на квалификацискиот натпревар за ЕУРО 2020.
Натпреварот, кој заврши со резултат 6-0 во корист на Англичаните, беше привремено запрен од судиите за прекршувања од страна на навивачите на националниот стадион во Бугарија.
„Го повикувам Борислав Михајлов веднаш да се повлече од функцијата претседател на Бугарскиот фудбалски сојуз!“
„Неприфатливо е Бугарија, која е една од најтолерантните држави во светот и луѓе со различна етничка припадност и религија кој живеат во мир, да бидат поврзани со расизам и ксенофобија“, се вели во изјавата на бугарскиот премиер.
Претходно, бугарскиот министер за спорт, Красен Кралев изјави дека владата ќе ги прекине односите со Бугарскиот фудбалски сојуз, вклучително и финансиски врски.
Но, од минис терството за спорт досега не ја коментираа оваа ситуација.
