Челзи денеска претстави ново засилување.
Станува збор за Карни Чуквуемека, 18-годишен играч од средниот ред кој потпиша договор до 2028 година.
🥶 📸#ChukwuemekaIsChelsea pic.twitter.com/ugvSGPcAlP
— Chelsea FC (@ChelseaFC) August 4, 2022
Чуквуемека ја започна својата кариера со Нортемптон Таун пред да се пресели во Астон Вила на 12-годишна возраст и да напредува за да го направи своето деби за сениорската Премиер лига против Тотенхем во мај 2021 година.
Седум дена подоцна, тој и помогна на Вила да победи со 2-1 над Ливерпул во финалето на ФА младинскиот куп, нивна прва победа во натпреварувањето по 19 години, и заврши како најдобар стрелец на турнирот. Тој исто така беше прогласен за најдобар играч на Академијата и дојде од клупата во финалето на сезоната во Премиер лигата против Челзи на Вила Парк.
Blue suits you, @Chukwuemekaa10! 😍
Read all about it! ⤵️#ChukwuemekaIsChelsea
— Chelsea FC (@ChelseaFC) August 4, 2022
Вкупно, Чуквуемека досега играше 14 пати во Премиер лигата и забележа една асистенција.
Што се однесува до репрезентативната кариера, тој има 13 настапи во младинските селекции на Англија (У17, У18 и У19) со шест гола, а се уште го чека дебито во А селекцијата.
Вредноста на неговиот трансфер од Бирмингем во Лондон е нешто помала од 18 милиони евра според официјалните податоци.
Англичанецот со нигериско потекло беше желба и на Барселона, но на крајот сепак Челзи летово успеа да го „киднапира“ потписот на еден играч пред Барселона да го донесе.
Да потсетиме, Челзи беше заинтересиран за Левандовски, Рафиња и Кунде, но сите завршија на Камп Ноу, па дури и Кристенсен одби да го продолжи договорот со Челзи по истекот на договорот и премина во тимот на Блауграна.
