Ромелу Лукаку летово се врати во Интер каде пристигна на позајмица од Челзи.
Откако го предводеше Интер до шампионската титула во Серија А во 2021 година со 24 гола на 36 првенствени натпревари, следуваше трансфер од 100 милиони евра во Челзи.
И покрај ветувачкиот почеток на Стемфорд Бриџ, тој не успеа да се вклопи, многу брзо испадна од плановите на тренерот Томас Тухел и постигна само осум гола во Премиер лигата.
Летово тој повторно се врати на Џузепе Меаца и е порешителен од кога било да го оправда епитетот еден од најдобрите светски напаѓачи на денешницата и ќе му претставува жестока конкуренција на Един Џекo.
Кога се појави го шокираше Интер со својот изглед бидејќи имаше преку 100 килограми и клубот веднаш му нареди да започне медитеранска диета за да достигне максимални 101 килограм.
Lukaku potrebbe fare anche come da bodybuilder pic.twitter.com/ywuCBLAAUs
— FC Inter 1908 ⭐⭐🇮🇹 (@Fc_Inter1908) August 2, 2022
Неколку недели подоцна ефектот се виде и Лукаку изгледа навистина неверојатно пред почетокот на новата сезона.
На еден од тренинзите тој го соблече дресот и до израз дојдоа мускулите и сосема е јасно дека веќе нема вишок килограми.
