Мајката на Роналдо повторно се пожали и ги критикуваше другите, смета дека нејзиниот син требало да освои повеќе Златни топки. Тој има освоено досега пет исто како и Лионел Меси.
Семејството на Кристијано Роналдо продолжува да дава сериозни изјави за оние кои ги водат врвните институции во фудбалот.
Долорес Авеиро, мајка на Роналдо, зборувајќи за „А Бола“ рече дека „во фудбалот има мафија“ и нејзиниот син има само 5 „Златни топки“ и генерално се третира многу поинаку.
На прашањето дали Роналдо може да се врати и повторно да ја освои оваа награда, таа рече:
„Има мафијата. Соодветен е зборот да се опише сè. Да, има мафија во фудбалот. Ако видите сè што се случува, сфаќате дека тоа е заради мафијата“.
„Да беше шпанец или англичанец, тие не би го направиле она што го прават, но тој е Португалец… можеби за тоа“.
„Не знам дали тој ќе ја освои „Златната топка“, но верувам во него. Мислам дека тој го заслужува тоа кога ќе погледнеме што направил цела година“, додаде Долорес Авеиро.
Во календарската година во 2019 година, Роналдо постигна 12 голови во Серија А за Јувентус и шест во Лигата на шампиони.
