Лос Анџелес Лејкерс го совлада градскиот ривал Лос Анџелес Клиперс со 122:97 во првиот натпревар по трејдот со Далас Маверикс.
Споменатите НБА франшизи беа шокирани во неделата од веста за трејдот во кој Лука Дончиќ пристигна во ЛА, а Ентони Дејвис заминува во спротивна насока. Нивните први натпревари без главните играчи се чекаа до денеска, а Лејкерси го декласираа градскиот ривал благодарение на Леброн Џејмс, кој постигна 26 поени со девет асистенции и осум скока.
Од друга страна, Далас без својот најдобар играч досега Словенецот Лука Дончиќ е поразен на гостувањето кај Филаделфија 76ерс со резултат 118:116. Филаделфија до триумфот ги предводеше Макси со 33 поени, 13 асистенции и четири скока, додека Ембиид постигна 29 поени со 11 скока и десет асистенции.
Резултати:
Филаделфија – Далас 118:116
Бруклин – Хјустон 99:97
Кливленд – Бостон 105:112
Торонто – Њујорк 115:121
Чикаго – Мајами 133:124
ЛА Клиперс – ЛА Лејкерс 97:122
Портланд – Индијана 112:89
