Напаѓачот на Арсенал, Габриел Хесус мораше да го напушти теренот во победата над Севиља поради болки во грбот.
Како што беше потврдено по натпреварот, Бразилецот почувствувал непријатност и веднаш побарал промена, што го потврди и Микел Артета.
„Габриел Хесус немаше да побара промена туку така, ако навистина не почувствуваше нешто. Ќе ги направиме прегледите и ќе знаеме каква е ситуацијата“, рече Артета.
Бразилецот е оптимист дека не е ништо страшно.
„Не сакав ништо да ризикувам, но не верувам дека се работи за повреда“, изјави Хесус.
Арсенал во сабота од 16.00 часот го пречекува Шефилд Јунајтед.
