Артур Мело ќе го носи дресот на Јувентус од следната сезона.
Барселона реши да го размени овој играч од средниот ред за Миралем Пјаниќ, а трансферот беше комплетиран пред две недели.
Иако сезоната е сè уште во тек, тренерот на каталонскиот гигант Кике Сетиен уште еднаш јасно стави до знаење дека не смета на Артур, освен ако тоа е неопходно.
„Артур ќе игра за Барселона само ако тоа е апсолутно неопходно. Можеби против Наполи, бидејќи Бускетс и Видал се суспендирани“, јасен е Сетиен.
Мело има играно за Барселона вкупно 72 пати и постигна четири гола. Тој е во клубот од 2018 година кога пристигна од бразилскиот Гремио.
