Кристијано Роналдо денеска ги одигра првите минути за Манчестер Јунајтед во новата сезона.
Искусниот Португалец одигра 45 минути во ремито против Рајо Ваљекано (1:1), но не импресионираше премногу со својот настап.
Роналдо не го виде крајот на натпреварот на Олд Трафорд. Тој одлучи да го напушти стадионот предвреме и камерите го фатија како го напушта познатиот стадион порано од сите останати.
Мислењата на навивачите во овој случај се поделени. Некои сметаат дека не требало да го направи ова и дека требало да почека да заврши натпреварот и да се поздрави со колегите, а други не му замеруваат премногу бидејќи се уште е пријателски натпревар.
Cristiano Ronaldo seemingly left Old Trafford before the full-time whistle #mulive [@CantonaManc] pic.twitter.com/7I1H0pk0w5
— utdreport (@utdreport) July 31, 2022
Во изминативе недели Кристијано беше во центарот на вниманието на светската јавност. Тој наводно побарал трансфер од клубот бидејќи сака да игра во Лигата на шампионите, а потоа објавил дека се што е објавено за него е обична лага.
Сепак, и покрај ова, многу медиуми пишуваат дека ЦР сепак сака да си замине. Можеби оваа сцена е најдобар доказ за тоа.
Кристијано беше најдобар играч на Јунајтед минатата година. Тој одигра 37 натпревари и постигна 24 гола.
Ќе видиме дали ќе го носи дресот на Јунајтед во наредните месеци.
