Откако му истече договорот со Барселона, Дани Алвеш стана слободен играч.
Сепак, тој нема долго да биде таков, бидејќи веќе си најде нов клуб.
Дури и да се зборуваше дека може да продолжи во Ла Лига, во Мајорка, се чини дека, сепак, бразилскиот дефанзивец ќе го промени првенството, но и континентот.
Според информациите кои ги пренесува шпански „Спорт“, Дани Алвеш постигнал договор со Пумас, екипа која настапува во елитната класа на мексиканскиот фудбал, а останува само да се стават иницијалите на договорот.
Дани Алвеш би пристигнал во мексиканскиот тим како слободен играч и би потпишал договор на една сезона. Што се однесува до платата, тој би добил „само“ еден милион евра.
Сепак, на Дани Алвеш не му се брза и најпрво би ја чекал дозволата на Тите, селекторот на бразилската репрезентација. Иако наполни 39 години, Алвеш сака по секоја цена да игра на Светското првенство во Катар.
Поради оваа причина, тој сака бразилскиот тренер да му каже дали ќе биде повикан на завршниот турнир доколку потпише со Пумас.
Пумас ќе биде ривал на Барселона на турнирот Жоан Гампер во 2022 година, а Дани Алвеш ќе може да се врати на „Камп Ноу“ против Каталонците.
