Дресот на каталонскиот великан Барселона следната сезона нема да го носи холандскиот напаѓач Луук де Јонг.
По едногодишната позајмица од Севиља, договорот на Де Јонг нема да биде откупен и тој денеска ја заврши епизодата во каталонскиот клуб.
Тој со порака на социјалните мрежи се прости од навивачите и клубот.
„Ова беше посебен период. Ви посакувам се најдобро во иднина“, рече Лук де Јонг.
Culers, ha estat un viatge especial… Us desitjo el millor en el futur! 💙
Culers, what a special time it was… I wish you all the best in the future! ❤️
Culers, ha sido un viaje especial… Os deseo lo mejor en el futuro! 💙 pic.twitter.com/pnxRSkKJOS
— Luuk de Jong (@LuukdeJong9) June 30, 2022
Иако главно не беше во преден план, Луук де Јонг често знаеше да внесе живост во играта на Барселона од клупата за резерви, а на 29 натпревари постигна вкупно седум гола.
Холанѓанецот е врзан за Севиља до летото следната година, а ќе видиме дали воопшто ќе настапува за овој клуб во новата сезона.
Покрај Барселона и Севиља, Луук де Јонг претходно има настапувано и за ПСВ, Њукасл, Борусија Менхенгладбах, Твенте и Де Графшап.
