Барселона летово го реконструираше тимот.
На стадионот „Камп Ноу“ пристигнаа имиња како Левандовски, Кунде, Кристенсен, Кесие и Рафиња, а секако е многу значајно што клубот успеа да го продолжи договорот со Дембеле, од друга страна, некои си заминаа од каталонскиот тим.
Еден од играчите чие заминување постојано се споменуваше летово, а на крајот остана во клубот е холандскиот репрезентативец Френки де Јонг.
Холандскиот играч за врска повеќе не беше посакуван од каталонскиот клуб кој се договори со Манчестер Јунајтед околу трансферот, но Френки де Јонг се противеше и се пропадна.
Повеќе од еден месец по завршувањето на летниот преоден рок, Френки де Јонг призна дека имало „притисок“ вклучително и од претседателот на Барселона, Жоан Лапорта да си замине, но рече дека никогаш не сакал да се раздели со Барселона.
„Бев мирен. Во мај веќе одлучив дека ќе останам и мојот став никогаш не се смени. Бев мирен, но притисокот доаѓаше од печатот, од претседателот.
Всушност, имаше притисок од сите страни, но јас сакав да останам во Барселона, па притисокот никогаш не влијаеше на мене“, изјави Френки де Јонг, цитиран од Марка.
Останувајќи во Барселона, Френки де Јонг играше малку оваа сезона. Некогаш беше редовен во стартниот тим на тимот, а оваа сезона забележа 10 настапи, но стартер стартуваше само четири.
Френки де Јонг е во Барселона од летото 2019 година, кога Каталонците му платија на Ајакс 86 милиони евра.
