Наполи вечерва игра на домашен терен против Џенова, но во Неапол малкумина мислат само на мечот.
Последниве денови, во овој клуб се случија разни скандали, а сето тоа започна со поразот од Рома. Претседателот на клубот, Аурелио Де Лаурентис, донесе одлука да се карантини седум дена, но фудбалерите не ја почитуваа таа одлука.
По натпреварот во Лигата на шампионите против Салцбург, фудбалерите заминаа дома, а потоа одбија да тренираат. Вчера, фудбалерите на Наполи направија тренинг сесија пред денешниот натпревар, а навивачите скандираја пред стадионот и ги нарекуваа платеници.
Исто така, наводно бил погоден и тренерот Карло Анчелоти, кој, наводно, им дозволувал на играчите да го напуштат карантинот. Поради таа одлука, Де Лаурентис беше бесен и спремен да му врачи отказ на искусниот италијански тренер.
Но, како што пренесува „La Gazzetta dello Sport“, тој на крајот бил спасен од адвокатите на Наполи, кои му објасниле на Де Лаурентис дека без оглед на тоа, на Анчелоти ќе мора да му се плати голема сума на отштета. Де Лаурентис верува дека Анчелоти ја изгубил самодовербата во соблекувалната и дека индивидуалните играчи го преземаат водството.
После одиграни 11 кола, Наполи е на седмата позиција со 18 поени. Наполитанците сега имаат 11 бода помалку од лидерите на табелата, Јувентус, и се чини дека Скудетото е веќе изгубено.
