Некогаш прогласен за еден од најдобрите млади фудбалери, Матијас де Лихт би можел повторно да биде ѕвезда на преодниот рок. Преговорите за продолжување на договорот со Јувентус не одат во насока на договорот, а некои од најбогатите премиерлигаши чекаат како луди.
Холанѓанецот има договор со Јувентус на уште две години, и излезна клаузула до 120 милиони евра. Бидејќи се уште не е постигнат договор за нов договор, се отвораат опции за трансфер.
Старата дама сака да го зацементира 22-годишниот дефанзивец, но прашање е дали сака да ризикува да не потпише нов договор туку да влезе во последната година од сегашниот? Особено затоа што има клубови кои внимателно ја следат ситуацијата.
На прво место е Манчестер Јунајтед. Ова не е чудо, бидејќи стоперот е посакуван од човек со кој соработуваше во Ајакс, а сега е тренер на „црвените ѓаволи“, Ерик Тен Хаг.
Од друга страна, за Де Лихт е заинтересиран и Челзи. Двата клуба можат без пречки да преговараат со играчот доколку издвојат 120 милиони евра. Работата е во тоа што прво би се обиделе да преговараат со Јувентус за намалување на цената.
