Францускиот репрезентативец Усман Дембеле изненади многумина откривајќи ја својата омилена позиција.
Дембеле игра како крилен напаѓач и поради брзината, но тоа што може подеднакво да ги користи двете нозе, незамисливо е да игра на друго место. Сепак, самиот Французин за RMC Sport изјави дека неговата вистинска позиција е „десетка“.
„Ролан Курбис (неговиот тренер во Рен) ме стави на 10, а дотогаш играв крило. Ми рече: „Ова е позицијата на која треба да играш“, изјави фудбалерот на Барселона.
„Мојата вистинска позиција е старомоден број 10, но можам да играм на десната страна. Важно е да се игра“, откри напаѓачот.
Во Барселона го гледаме најмногу на десната страна во формацијата 4-3-3 на Чавиев, а понекогаш може да биде и на левата страна.
Поранешниот играч на Рен и Борусија Дортмунд оваа сезона одигра шест натпревари и постигна два гола со две асистенции.
Летово имаше лоши односи со Барселона и нејзината управа, а беше блиску до заминување во ПСЖ. Сагата околу Дембеле траеше со месеци, а Французинот на почетокот на годината беше дури и на излезната врата од клубот кој сакаше да го продаде откако тој одби да го продолжи договорот.
На крајот дури и неколку натпревари следеше од трибините, но потоа Чави го врати во тимот и покрај незадоволството на клупскиот лидер и таму се се сврте.
Дембеле почна да има фантастични партии и беше најдобар играч на Барселона во втората половина од минатата сезона. Тој е во одлични односи со Чави и на изненадување на многумина заврши со продолжување на договорот.
Дембеле и оваа сезона игра во фантастична форма, а со своите настапи се избори за враќање во француската репрезентација
