Изминатиот викенд на стадионот Драгао се одигра големото португалско дерби помеѓу Порто и Бенфика, а натпреварот го одбележа и судир меѓу домашните навивачи и полицијата.
Очигледно, навивачите на Порто беа незадоволни од дебаклот што го доживеаја, бидејќи тимот од Лисабон победи убедливо со резултат 4:1. Навивачите на Порто започнаа пресметка со полицајците, кои веднаш реагираа и испукаа кон нив со гумени куршуми. За среќа на сите на стадионот, немаше посериозен инцидент.
Porto vs Benfica last night… 🇵🇹👊 pic.twitter.com/o39mRMYFqK
— Football Fights (@footbalIfights) April 7, 2025
Бенфика благодарение на победата против Порто ја презеде првата позиција на табелата и сега има 68 бодови. Брага му направи голема услуга на клубот од Лисабон, кој одигра 1:1 со Спортинг на гости. Спортинг моментално е на второто место во португалскиот шампионат и има два бода помалку од градскиот ривал.
