Дефанзивецот на Јувентус, Џорџо Киелини (36) ќе ја заврши кариерата на крајот на сезоната.
Според италијанските медиуми, 36-годишниот дефанзивец решил да се повлече на крајот на оваа сезона и наскоро официјално ќе ја објави својата одлука да се повлече од фудбалот.
Киелини ќе добие место во управата на Јувентус и ќе продолжи да работи во торинскиот клуб, чиј член е од 2005 година.
Овој фудбалер ја започна својата кариера во Ливроно. Тој беше член на Рома и Фиорентина, а во Јуве пристигна во 2005 година.
Тој стана вистинска легенда на клубот. Ја носеше капитенската лента и одигра 525 натпревари и постигна 36 голови.
