Договорен е меѓународен натпревар што досега не бил виден во модерниот фудбал.
УЕФА и КОНМЕБОЛ денеска потврдија дека официјалниот натпревар помеѓу европскиот и јужноамериканскиот шампион ќе се одржи во јуни, што на некој начин претставува еден вид светски суперкуп за националните тимови.
Натпреварот помеѓу Италија и Аргентина, кои станаа шампиони на нивните континенти пред неколку месеци, ќе се одигра во јуни 2022 година.
Треба да се потврди локацијата и стадионот, но веќе се навестува дека тоа ќе биде вистински спектакл, а некои би рекле и неофицијален натпревар за светскиот шампион, со оглед на тоа дека најдобриот фудбал се игра во Јужна Америка и Европа.
⚽ #EURO2020 winners Italy will meet #CopaAmerica champions Argentina in June 2022.
🤝 The match is part of the cooperation between UEFA and @CONMEBOL, which includes youth and women’s football, futsal, the exchange of referees and technical training schemes.
Full story: ⬇️
— UEFA (@UEFA) September 28, 2021
Организацијата на овој натпревар е дел од соработката помеѓу УЕФА и КОНМЕБОЛ, која вклучува и женски фудбал, футсал, младински категории, судиски размени и друго.
Засега се договорени три натпревари меѓу континенталните шампиони откако ќе завршат ЕП и Копа Америка.
